baba noel iraq

View previous topic View next topic Go down

baba noel iraq

Post  lovely on Wed Jan 02, 2008 3:22 pm

santa santa santa --------------------------------------------------------------------------------

مِثل ماتعرفون إنه (بابا نؤيل) رجّال حبّاب، ينطي هدايا للجَهال وللفقراء..
المهم فد يوم (حجي نؤيل) ديباوع بخريطة العالم چان يشوف العراق..
گال: إييييي.. هذولة خطيـّة خلي أساعدهم..
المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً..
بقى تقريبا ثلاث ساعات يدوّر على بيت بي شجرة مال إكرسمس (بس طبيعية موإصطناعية) وماكو..
هناك چان يخيّطها بِبريك قوي، حتى الغراض يلي بالعربانة وگعنْ واطّشرنْ...
وگام يصيح: لگيت بيت...لگيــــــــــــته نِزل بالسطح وبُقه يدوّر على فتحة مال مدخنة يفوت منها !!..
ماكو.. راد باب مفتوحة!!..
ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب.

المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع صوت واحد يصيّح (حرامي!!!)..
وعينكم ما إتشوف الاّ النور.. إشتغلتْ الطلقاتْ والبيكيسياتْ وحتى قاذفات وهاونات..كلها على هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنوالفلم.. عباله صارت حرب.

والتمّت المونيكات والهمرات والحرس الوطني والشرطة...
واحد يگول شفتة لابس حزام ناسف!!..
واحد يگول العربانة مالته مفخخة.

هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتل
بالطريق.. وبالتحقيق محد صدّگه وكل ميفك حلگه..يجي راشدي.. وبعدين زينوه صفر وأخذو موبايلة وچانت بجيبة أربع أوراق ونص هم أخذوهِن.. تالـــــي طلع بالگوّة،
گالو: رجّال چبير.

رجع (بابا نويل) للبيت يلي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض إلي بيهة إتحوسمتْ كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم مطي وعربانة مكسرة إجو أخذوهن الدوّارة أهل الطحين وراحوا.

ويدكهة الرجّال مشي من بغداد لبيتهم حتى فلوس كيا بجيبه ماكو وگال وية روحه: آني أجي لبغداد بعد!!!!!

المهم وهو بطريق الرجعة وما يعرف شيسوي طگت
يمة مفخخة چان ينشمر ويوگع بالكاع، وإتبهذل... صفن وگال: وِلكَمْ شكو؟؟.. منو ماكِل باگلة زايد؟؟.. حقة ما يعرف شنو مفخخة.. وگوة فهموا شنو مفخخة.

كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو شيعي؟؟.. گاللهم يابا آني (بابانؤيل).. كللوله: ناصب
علينه!!!.. وجوي ديذبحوه،ويةَ مديذبحوه چان تجي الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه (سِترِلّه) من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على الرجال المسكين.. المهم هوة مدري شلون إنشمر فوگ غزالة
من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله.. وهسة هوة كلّش يكره الجهال وما يحب الهدايا وبس يباوع أفلام رعب واشترىمسدسات ورشاشات
ويصيح....
ويــــن يـــروح المطلــوب إلنــــة

ومن ذاك اليوم بطل بابا نؤيل شغلته

lovely

Posts : 4
Join date : 2008-01-01

View user profile

Back to top Go down

View previous topic View next topic Back to top

- Similar topics

 
Permissions in this forum:
You cannot reply to topics in this forum